in

स्मृती मंधाना – बायो, उंची, वजन, वय, शारीरिक माप आणि चित्रे

स्मृती मंधाना ही एक भारतीय महिला क्रिकेटपटू आहे जिने अलिकडच्या काळात प्रसारमाध्यमे आणि सोशल मीडियाचे लक्ष वेधून घेतले आहे.

स्मृती मंधाना
स्मृती मंधाना

स्मृती ही भारतीय महिला क्रिकेट संघाची सलामी डावखुरी फलंदाज आहे. गेल्या काही आठवड्यांत झालेल्या मॅचेसमध्ये तिने अविश्वसनीय फलंदाजी करून प्रसारमाध्यमांमध्ये ती झळकली आहे.

पण असे बरेच लोक आहेत ज्यांनी अद्याप तिचे नाव ऐकले नाही आणि हे केवळ भारतात लोक पुरुषांच्या क्रिकेट कडे महिला क्रिकेट पेक्षा जास्त आकर्षित असल्यामुळे आहे. खेळामध्ये करियर करण्याची इच्छा असलेल्या मुलींसाठी तिचे जीवन प्रेरणादायी आहे.

स्मृती मंधाना आणि क्रिकेटमधील तिच्या प्रवासाबद्दल आपल्याला माहित असाव्यात अशा गोष्टी येथे आहेत.

जीवनी

पूर्ण नाव: स्मृती श्रीनिवास मंधाना

जन्म: 18 जुलै 1 996, मुंबई, महाराष्ट्र, भारत

कडून: सांगली, महाराष्ट्र

फलंदाजीची पद्धत: डावखुरी

गोलंदाजीची शैली: उजवा हात मध्यम गती

भूमिका: फलंदाज

स्मृती मंधाना चे बालपण

स्मृती मंधाना हिचा जन्म मुंबई मध्ये 18 जुलै 1996 रोजी श्रीनिवास आणि स्मिता यांच्या कन्या म्हणून झाला. पण जेव्हा ती फक्त 2 वर्षांची होती, तेव्हा तिचे आई-वडील सांगली येथे गेले. तिचे वडील श्रीनिवास मंधाना हे जिल्हा पातळीवर माजी क्रिकेटपटू होते. त्यांनी आपल्या मुलांनी भारतीय क्रिकेटमध्ये करियर करण्याचे स्वप्न पाहिले. तिची आई स्मिता मंधाना ह्यांचा हि सुरवातीपासूनच स्मृतीला पाठिंबा होता. कोणत्याही आई ने आपल्या मुलीला पुरुषांचे वर्चस्व असलेले क्षेत्र निवडण्यासाठी सहकार्य करणे अवघड होते. श्रीनिवास यांच्या मते, स्मृती केवळ 3 वर्षांची होती जेव्हा तिने हातात स्ट्राईक साठी प्लॅस्टिकची बॅट घेतली. तेथूनच निर्णायक दृढनिश्चय व कठोर परिश्रमांच्या परिणामामुळे ती भारतीय महिला क्रिकेट संघाची आक्रमक सलामीवीर झाली.

तिची क्रिकेटची प्रेरणा

आधी सांगितल्याप्रमाणे, स्मृतीच्या वडिलांची त्यांच्या दोन्ही मुलांनी भारतीय क्रिकेटमध्ये करियर करण्याची आणि आंतरराष्ट्रीय स्तरावर भारताचे प्रतिनिधित्व करण्याची इच्छा होती. स्मृती ला क्रिकेटची आवड तिचा भाऊ, श्रवण मुळे लागली, जो महाराष्ट्रातील U -16 गटासाठी खेळला होता. आपल्या मुलाचे यश पाहून तिच्या आईला तिच्या भावाचा वाटलेला अभिमान पाहिल्यावर स्मृतीने क्रिकेटपटू म्हणून आपले करियर ठरवले.

तिच्या भावानी नंतर वेगळे  करियर केले तरी, स्मृतीने तिच्या वडिलांचे स्वप्न पूर्ण करण्यासाठी प्रयत्न चालू ठेवले. संपूर्ण कुटुंबाने स्मृतीच्या निर्णयाला पाठिंबा आणि प्रोत्साहन दिले. तिच्या वडिलांनी तिच्यासाठी प्रशिक्षण कार्यक्रम व्यवस्थापित केले होते, तर तिच्या आईने तिच्या संतुलित आहाराची काळजी घेतली. तिचा भाऊसुद्धा आपल्या लहान बहिणीला प्रोत्साहन देण्यासाठी स्वतःच्या व्यस्त बँकिंग कारकीर्दीतून वेळ देतो.

क्रिकेटमधील तिचा प्रवास

स्मृती वयाच्या 9व्या वर्षी महाराष्ट्र U-16 संघात खेळू लागली.

वयाच्या 11व्या वर्षी महाराष्ट्रात 19 वर्षाखालील संघात तिची निवड झाली.

15व्या वर्षी, स्मृतीने क्रिकेटमध्ये एक वर्ष ब्रेक घेण्याचे ठरवले आणि एक वर्षानंतर पुन्हा खेळण्याचा निर्णय घेतला.

स्मृतीने 16व्या वर्षी प्रथम आंतरराष्ट्रीय खेळात पदार्पण केले आणि तिची प्रतिभा संपूर्ण खेळामध्ये ओळखली गेली.

महाराष्ट्राविरुद्ध गुजरातच्या एकदिवसीय सामन्यात स्मृतीने दुहेरी शतक झळकावले. 150 चेंडूत 224 धावा करून ती नाबाद राहिली.

त्यानंतर एक वर्षानी 2014 मध्ये ती भारताकडून पहिला कसोटी सामनाऑस्ट्रेलिया विरुद्ध खेळली ज्यात तिने प्रत्येक डावात 22 आणि 51 धावा केल्या होत्या.

2016 मध्ये, तिने ऑस्ट्रेलियाविरुद्ध पहिले एकदिवसीय शतक (109 चेंडूत 102) काढले.  त्यानंतर त्याच वर्षी, महिलांच्या बिग बॅश लीगसाठी ब्रिस्बेन हीटशी तिने एक वर्षाचा करार केला. हे यश मिळवणारी ती दुसरी भारतीय महिला क्रिकेटपटू बनली.

तिने 72 चेंडूत 90 धावा केल्या, ज्यामुळे 2017 च्या आयसीसी महिला विश्वचषक स्पर्धेत संघाचा धावसंख्येचा दर वाढला आणि 24 तारखेला इंग्लंडविरुद्ध विजय मिळविला.

त्यानंतर, प्रसारमाध्यमे आणि सोशल मीडियाद्वारे तिच्या अविश्वसनीय फलंदाजीचे कौतुक केले गेले.

क्रिकेटमधील तिचे रोल मॉडेल

अलीकडच्या सामन्यांमध्ये केलेली जबरदस्त खेळी आणि 18 नंबरच्या जर्सीमुळे लोकांनी स्मृती मंधानाची विराट कोहलीशी तुलना केली. बॅटिंगच्या आक्रमक शैलीमुळे तिची वीरेंद्र सेहवागशी तुलना केली गेली. परंतु, विरुने तिला पुढील सेहवाग नाही, तर स्मृतीची पहिली आवृत्ती असल्याचे म्हणले आहे. स्मृती युवराज सिंगला प्रेरणा म्हणून मानते आणि श्रीलंकेचा कुमार संगकाराची ती चाहती आहे. तिचे प्रशिक्षक अनंत तंबवेकर यांनी एकेकाळी प्रेसला सांगितले होते की, डाव्या हाताची फलंदाज असल्याने तिच्या खेळीत ह्या दोघांची शैली दिसते.

इंटरनेटवर फक्त तिच्या प्रतिभावंत फलंदाजीमुळेच नव्हे तर तिच्या गोंडस स्मितहास्यामुळे तिने संपूर्ण देशातल्या चाहत्यांवर भुरळ पाडली आहे. तिच्या इंग्लंड आणि वेस्टइंडीजविरुद्धच्या दर्जेदार खेळीमुळे ती प्रकाशझोतात आली. परंतु तिच्या गोंडसपणाकडे चाहत्यांनी रस दाखवला. अलीकडे ऑनलाईन कल असा दाखवतो कि भारतातील नवीन क्रश म्हणून स्मृती मंधानाने दिशा पटणी हिला देखील मागे टाकले आहे.

Leave a Reply

Your email address will not be published.

The Face Shop Real Nature Green Tea Face Mask

फेस शॉप रियल नेचर ग्रीन टी फेस मास्क – उत्पादनाची समीक्षा

माणसानं दगडाचा देव कसा घडविला पण माणुसकी धर्म पायदळी तुडविला ||

माणुसकी